㗎仔飯 (已結業)

去旺角行街個陣🙈，經過見到依間店裝修幾靚，就入咗嚟試吓！店舖比較細，只有6個位🥺。大家想食就要早啲嚟啦！仲有2:30開始係下午茶時段，每個餐都會減$8！好抵食！🤪我叫咗個炸雞咖喱烏冬。炸雞🍗份量好多，都有成5大舊。炸雞上面好啲醬汁，咁嘅配搭好正！雞件食落好脆，唔會好油🤤。烏冬好煙韌，軟硬適中😛。咖喱醬係分開上嘅，咁就可以自己控制分量，鍾意落幾多就落幾多👍🏻。咖喱只係有少少辣，我諗大部份人都接受到～份量都好足夠，夠撈晒成個烏冬😻。咖喱醬入邊仲有一啲配料，例如係薯仔🥔同蘿蔔🥕，味道正常。最後仲有一隻蛋🥚～成個set都好豐富，我哋兩個食得好開心😍🤣！個set仲配埋一杯茶，可以揀凍同熱。食完咖喱🍛之後可以解下膩🤩！店入邊仲有一啲細細粒嘅公仔，都幾得意😎。如果大家去食嘢嘅話，都可以留意吓！