花火和食 (已結業)

新年前去咗朋友位於土瓜灣嘅環海東岸新居參觀， 新車雖然骨子， 但係而家樓價高企嘅情況下， 兩口子能夠有一個安樂窩， 已是可喜可賀。屋企樓下嘅商場暫時都未入夥，不過就有呢家黃圈日本居酒屋《花火和食》，可以同朋友一齊食個午餐。呢一間居酒屋價錢相當大眾化， 午餐定食嘅價錢都係一百蚊有找。我就叫咗呢一個『和風滑蛋吉列黑豚豬扒丼』。滑溜嘅蛋汁配以脆炸嘅吉列豬扒， 豬扒嘅質地軟滑而且多汁， 厚度亦相當不錯， 滑蛋入面亦加入洋蔥， 增添了香氣。而且飯嘅份量亦相當多， 撈埋滑蛋同埋鰹魚湯汁一齊食， 一下子就被掃清光。另外亦叫咗呢個海膽蟹蓋黃金燒， 裏面係忌廉雜菜薯蓉加上少少蟹肉， 上邊嘅海膽醬亦帶有鹹香， 十幾蚊一隻黎講就絕對對得住價錢。最後仲叫多一個芝士可樂餅， 日本嘅可樂餅其實即係歐洲傳過去嘅炸薯餅， 便可以加入唔同嘅餡料，例如芝士牛肉。 可樂餅外層金黃香脆， 裏面薯蓉仲熱辣辣，芝士又流心。食物嚟講價錢絕對對得住質素， 有良心食商店絕對要支持一下。