之前見到呢間有和牛放題，價錢又唔貴！所以book mark左同朋友嚟食！環境都幾闊落，好多卡位。
一坐低會先上和牛拼盤先，和牛隔離會有牌仔寫住係咩部分，方便再落單！影相好igable🤣
燒起黎都幾香油脂～推介叫啲蔬菜減輕油膩感！我鍾意用生菜包住食，fresh d! 推介A4黑毛和牛肩胛，有口感但又唔會太油。厚切牛舌都好食，韓式醬仲好惹味！
佢仲有個海鮮拼盤，職員會教你點樣燒，燒幾耐。每人有一件，鮑魚幾好食，冇咩腥味又彈。甲羅燒好正，好似平時食緊蟹膏咁！蠔仲可以任食，好正
我呢個放題其實仲有好多刺身壽司熟食炸物，刺身壽司都中規中矩。最愛榴槤炸彈，熱辣辣好香好creamy！
最後仲有一人一杯movenpick雪糕，食到勁飽！
整體來講質素都唔錯，可以一試！
