八幡屋涮涮鍋 (已結業)

今日我地去左好強人氣既旺角八幡屋涮涮鍋到食放題成日都係社交媒體上面見到佢地既AD, 知道佢地提早訂枱有鮑魚同埋生蠔送，所以同朋友都係社交平台 到訂定位先我地叫左2個 c3餐，因為做緊買一送一優惠澳洲M5和牛4個人 1000蚊埋單都唔洗，食完捧住個肚走，邊到搵😂😋。我記得上次黎食野，佢有半自助餐形式可以俾我地行出去夾d食物返黎，今次佢地將炸物用送餐形式送上黎，件件都熱辣辣，用QR Code點菜，超方便！我地掛住食同吹水（疫情好耐冇見呢班朋友喇）影左唔係好多相，個海鮮拼盤食落就知係新鮮貨，d螺熟左細細力挑就出，證明真係新鮮，而且冇泥冇沙，好食得過👍帶子洗得好乾淨，仲乾淨過我平時屋企整🤣🤣🤣刺身生蠔用塊葉包住，好有誠意，唔腥同埋朋友玻璃肚，食完都唔肚痛👍M5和牛好好食，滿口牛油香，建議唔好烚太耐，15秒左右食就好滑好香好好味旁邊仲有甜品區，但我真係超飽，食唔落😂