龍驤 (已結業)

龍驤 angelchuibb 呢間係尖東新文華，咁岩去做完野可以休息下就擇左間日本野，餐廳環境裝修好有日本風，位置都闊，坐得舒服。另外佢個清酒櫃，夜晚應該都幾多人食。餐廳選擇都多，有定食，丼飯，爐端燒，最尾我要咗香蔥吞拿魚蓉丼定食。每份套餐都配沙律、前菜同埋麵豉湯。佢呢間吞拿魚蓉係師傅即叫即用新鮮吞拿魚剁碎，再加埋蔥、芝麻同埋海膽同紫菜碎。首先未食賣相已經夠曬吸引。吞拿魚顏色鮮紅，食落鮮甜，好新鮮👍🏻海膽紫菜配搭得好好🤤前菜沙律都好新鮮，配埋麻醬好開胃。麵豉湯好似都係自家製唔會太咸👍🏻中午去價錢都好抵仲有七五折