台灣麵

营业中

休息中

今晚夜收工係屋企附近食，簡單d搵間食開既台灣野食，疫情嚴峻，所以入門口要探熱，噴消毒液，另外鋪頭一半既枱都Block左。 因為中意呢間台灣野選擇多，價錢又平又大碟。今晚兩個人叫左一碗雙拼（香酥雞扒撈米線配台式豬腳肉燥撈新竹米粉）$65、鹽酥雞$42、滷大腸$38。中意呢間既撈米線好滑好夠味，雙拼60幾蚊有2樣種類，又大份又好食😋一半豬腳都有2舊，炆得好入味，新竹米粉加埋滷肉汁索晒味好正，另外鹽酥雞$42好大份有大約8件，滷大腸份量都多仲洗得好乾淨。有時簡簡單單食一餐都幾好。