臺北棧 (世貿中心)

营业中

休息中

呢度既裝修都偏粉色，幾靚打卡一流，台灣野真係最中意食既野之一，explore到呢間抵食既真係好！⭐️黃金鹽水雞撈粉皮鹽水雞整到手撕雞咁，唔會太鞋，口感唔錯，咸咸地味道岩岩好，配料除佐有粉皮仲有芭樂，蛋絲，海哲咁樣，重點係黃金醬，姐係腐乳，甘筍，鹹蛋黃，全部撈埋一齊咸香味十足，凍凍地，好開胃！🌟海鮮炒王子麵蛋餅呢個整得好得意，蛋餅入面包住海鮮炒麵，炒麵好多海鮮，好足料，普通醬油炒麵已經好夠味，面頭灑上海苔碎，感覺清新啲，加埋啲沙律醬，唔會太咸，但都好惹味呀！✨髒髒鹹蛋黃芋泥蛋餅呢個算係甜品既蛋餅，甜甜地咸咸地，芋泥好綿好滑，濃濃芋頭香，加上鹹蛋黃，係甘香既，完全無違和感，連埋海量芋粉，好香呀！⚡️珍珠奶茶一杯拍得住台灣質素既珍奶，珍珠煮得好好，夠晒煙韌，奶茶唔會太甜，茶同奶既比例岩岩好，凍凍地勁好飲！💫蘋果苦瓜汁一杯好健康既飲品，新鮮蘋果苦瓜柞出黎，甜甜地苦苦地，飲得出好健康，清腸胃岩晒呀！