影片
更多
2023-09-01
130 浏览
🔥抵食台式火鍋x超長拉絲蛋餅🧀-行過黃大仙 裝修完嘅商場都開咗好多新舖頭同餐廳 咁啱餐廳連同隔離嘅韓式餐廳同韓式超市做緊優惠 所以入咗去食-🧀台南芝士肉鬆捲餅 $44呢個捲餅真係好出色 份量都幾大 而且間落咗好芝士同肉鬆 拉絲高度好誇張🤣 外層煎到酥脆 好香口唔錯😋-🐷豆乳豬仔骨湯 $88 (套餐 +$40)另外佢哋都有一人一鍋台灣火鍋 可以先揀湯底 再加配套餐或者其他材料 我哋今次就揀咗五花肉同公仔麵套餐 套餐仲會包埋好多唔同嘅配菜😉 個湯底都有幾濃郁嘅豆乳味 而且豬仔骨都唔少 加埋套餐我諗係一至1.5人嘅份量🤣-🐮嘆嘆招牌牛肉麵套餐 配特飲及甜品 $158牛肉麵係半筋半肉 肉質都煮得幾淋 面底係用咗刀削麵 所以都幾吸湯😗 湯底雖然都幾深色 但係味道唔會太鹹 反而有少少蔬菜嘅甜味 -🍛滷肉飯 跟餐+$15我哋有另外加點滷肉飯 佢係一碗仔嘅份量 上邊淋滿咗滷肉同埋一塊酸蘿蔔 佢嘅滷汁都幾足夠 鹹鹹香香咁 唔會食到個底嘅時候冇晒汁😛-🍫特濃奶蓋朱古力我哋叫嘅第一杯特飲係特濃奶蓋朱古力 朱古力奶偏甜 係小朋友會好鍾意嘅味道 而家奶蓋係行少少鹹嘅路線整體都幾smooth-🧃梅子汁梅子汁清爽又
-
行過黃大仙 裝修完嘅商場都開咗好多新舖頭同餐廳 咁啱餐廳連同隔離嘅韓式餐廳同韓式超市做緊優惠 所以入咗去食
-
🧀台南芝士肉鬆捲餅 $44
呢個捲餅真係好出色 份量都幾大 而且間落咗好芝士同肉鬆 拉絲高度好誇張🤣 外層煎到酥脆 好香口唔錯😋
-
🐷豆乳豬仔骨湯 $88 (套餐 +$40)
另外佢哋都有一人一鍋台灣火鍋 可以先揀湯底 再加配套餐或者其他材料 我哋今次就揀咗五花肉同公仔麵套餐 套餐仲會包埋好多唔同嘅配菜😉 個湯底都有幾濃郁嘅豆乳味 而且豬仔骨都唔少 加埋套餐我諗係一至1.5人嘅份量🤣
-
🐮嘆嘆招牌牛肉麵套餐 配特飲及甜品 $158
牛肉麵係半筋半肉 肉質都煮得幾淋 面底係用咗刀削麵 所以都幾吸湯😗 湯底雖然都幾深色 但係味道唔會太鹹 反而有少少蔬菜嘅甜味
-
🍛滷肉飯 跟餐+$15
我哋有另外加點滷肉飯 佢係一碗仔嘅份量 上邊淋滿咗滷肉同埋一塊酸蘿蔔 佢嘅滷汁都幾足夠 鹹鹹香香咁 唔會食到個底嘅時候冇晒汁😛
-
🍫特濃奶蓋朱古力
我哋叫嘅第一杯特飲係特濃奶蓋朱古力 朱古力奶偏甜 係小朋友會好鍾意嘅味道 而家奶蓋係行少少鹹嘅路線整體都幾smooth
-
🧃梅子汁
梅子汁清爽又酸甜 好解渴又開胃 飲落好舒服
-
🍰招牌珍珠奶茶奶蓋蛋糕
蛋糕本體係千層蛋糕 中間夾住咗奶茶味嘅cream 上面林左奶蓋加埋珍珠 味道就好似真係飲緊一杯珍珠奶茶咁🧋如果餅皮可以在濕潤啲嘅話就Perfect啦
-
📍嘆嘆 (黃大仙)
黃大仙龍翔道136號黃大仙中心北館地下G06E-G06G號舖
张贴
