茶茶台式料理

食物大致全部都唔錯，尤其係個炸墨魚丸，明顯食得出佢同出面嘅墨魚丸係唔同貨色，炸得金黃色啱啱好，仲配埋個泰式酸辣醬， 十分開胃。個麻辣鍋好抵食，百零蚊有咁多料，兩個人都食得飽，小辣啱啱好，同肥牛好夾，仲有一個公仔麵底。麻辣味道同四川火鍋好似，鍾意火鍋既朋友仔可以試下。鹹酥雞好脆，鹹味和辣味配合得剛剛好。仲嗌咗一杯珍珠奶茶，珍珠好有咬口，唔同出面嗰啲好軟好散。總結兩個人食兩百幾蚊好抵食，已經帶到好多款小食，水準唔錯，想食台灣嘢可以嚟試吓，下次仲會再嚟。