墾丁茶房 (已結業)

我同女友去咗魔鬼山行山，玩完之後時間都係下午3點幾，晚飯Book咗成8點，所以在油塘大本營個商場搵少少野食。見到有間叫墾丁茶房嘅餐廳，有做下午茶，好平，就入去試下。環境都OK，叫做有啲Sofa位同卡位，不過疫情關係，卡位都要坐埋一邊。下午茶餐選擇主要都係台灣野，有肉燥飯、台灣香腸同鹽酥雞等。但有部份食物已經賣哂。我地兩個都係叫同一個餐，我要迷你香菇肉燥飯，女友就要肉燥米粉。味道都可以啦。飯會配啲豆粒唔錯。至於香葉鹽酥雞就普普通通，比較乾身，但份量都多，一碟都有5、6件。街坊台菜來説，都值得好評嘅。只係$34仲包凍飲！btw店員看似好兇，但其實都幾好禮，知客要乜👍。