饞。台式食堂 (如心廣場二期) (已結業)

👍🏻藥膳排骨 $80藥膳湯調味偏清淡，有淡淡藥材味，感覺幾養生😆排骨煮得好腍，完全唔痴骨不過調味偏淡，但配上秘製腐乳醬，味道就岩岩好👍🏻秘製醬帶少少酒味，甜甜地咁，無平時啲辣椒腐乳咁鹹😌味道：8/10 性價比：7/10-👍🏻鹽酥雞 轉肉燥飯 $66+$10鹽酥雞肉質比較乾身，火力猛左啲🙈但醃都幾入味，加上落左啲椒鹽，好香口肉燥肥瘦適中，幾濃味，但份量唔算好多，好快就食哂，淨返啲白飯😭味道：7/10 性價比：7/10-👍🏻滷水豆腐 $25呢個好有驚喜！百頁豆腐好彈牙，口感食落有啲似魚片🤣🤣🤣滷得好入味，五香味好香濃😋仲係冷盤，好開胃🤪👍🏻味道：9/10 性價比：8/10-👍🏻炸花枝丸 $26花枝丸面頭灑左少少椒鹽，表面煙韌，熱辣辣😋咬落彈牙，唔係粉團個隻🤣入面仲有大大粒花枝肉🤩！(圖六)味道：9/10 性價比：8/10-👍🏻青檸愛玉凍 (跟餐送)夏天食勁爽，消暑一流🤤！愛玉煙韌好似啫喱咁，好fresh，唔會太甜👍🏻如果可以再冰凍啲就正啦😛！味道：8/10性價比：N/A-👍🏻台式酸辣湯 (跟餐送)味道偏酸微辣，食得出係係豆瓣醬個隻辣🤣配料有木耳絲、豆腐、紅蘿蔔絲、蛋花，幾豐富味道：7/10