陳小館 (已結業)

星期六喺尖沙咀行完街，大出血之後，想食平啲，見到呢間陳小館點心專門店唔貴，一於就入去試吓啦！💜蒜蓉蝦腸春卷新鮮炸起嘅春卷皮香脆，唔會有油益味，蝦肉彈牙，唔會乾。💜香煎蘿蔔糕蘿蔔糕煎得金黃脆口，唔會太多粉，臘味粒足料，為成舊糕提供一個有層次嘅口感。💜有雞先定有蛋先俾佢個名吸引咗😂，呢個菜式嘅組合真係好有創意。鹹水角個皮唔會癡口，餡料調味適當唔會太鹹。燉蛋係原隻蛋殼，有心思好精緻。💜豉油王炒麵呢個要大讚，面炒得乾身唔會油膩，而且非常之有鑊氣，配料亦都十分充足。💜紅米金沙蝦腸呢個係本人推介菜式之一，紅米皮柔滑亂口，但入邊嘅蘿蔔炸得香脆，蝦肉亦都好爽口，層次口感十足。💜金箔蝦餃王 💜鵪鶉蛋燒賣蝦餃同燒賣都鄙薄餡靚，調味適當，啱啱整好熱辣辣好新鮮。💜雙層椰汁桂花糕有創意嘅甜品，一個甜品兩種享受，養生健康！總括而言，陳小館嘅食物高質，但價錢又非常實惠，地點方便，點心新鮮熱辣辣，非常推薦！