影片
更多
2023-09-29
41 浏览
食到飽！呢3個字真係絕無僅有會出現喺我IG。因為我本身細食，亦唔推崇任食。唔係享負盛名，我點會黎試呢？台灣野喎！食牛喎！本身唔係咁吸引，有關台灣牛出名難食，難d同大家講下。當然，今次係食台灣野，但牛，我地係食澳洲牛，美國牛！今次我地揀左$418／位，《安平燒肉》 最貴果個任食澳洲M5和牛套餐，呢個plan已經可以食曬Menu上面絕大部份食物，除左menu上嘅野，店內仲設自助區，提供蔬果、茶類、熱食同台式飲品，真係久違嘅食到飽氣氛！茶類作為茶精！入到黎我完全冇睇過罐裝飲品！點解？你睇下個凍櫃，一款款冷泡茶已經由上至下，左至右整齊咁排列好。試就一定試唔哂，要試哂就分幾次黎試吧！今日試左3款，就係桂花烏龍、巨峰葡萄綠茶同玄米茶。簡單講我係烏龍喜好者，如果想要清香就揀桂花烏龍。女孩子喜歡果味又怕肥可以揀巨峰葡萄綠茶，而食肉獸，一定要揀玄米茶！十分解膩！美國SRF極黑牛又同大家科普一下，我多年前已經喜歡SRF極黑牛。SRF極黑牛係日本和牛同美國安格斯牛混種，味道香濃有牛味，又唔會好似和牛咁油。個人認為不論口味同價錢都親民。口味嘅野好主觀，但如果你未食過，就建議大家試下！澳洲M5和牛澳洲和牛就好出
茶類
作為茶精！入到黎我完全冇睇過罐裝飲品！點解？你睇下個凍櫃，一款款冷泡茶已經由上至下，左至右整齊咁排列好。試就一定試唔哂，要試哂就分幾次黎試吧！今日試左3款，就係桂花烏龍、巨峰葡萄綠茶同玄米茶。簡單講我係烏龍喜好者，如果想要清香就揀桂花烏龍。女孩子喜歡果味又怕肥可以揀巨峰葡萄綠茶，而食肉獸，一定要揀玄米茶！十分解膩！美國SRF極黑牛
又同大家科普一下，我多年前已經喜歡SRF極黑牛。SRF極黑牛係日本和牛同美國安格斯牛混種，味道香濃有牛味，又唔會好似和牛咁油。個人認為不論口味同價錢都親民。口味嘅野好主觀，但如果你未食過，就建議大家試下！
澳洲M5和牛
澳洲和牛就好出名，係和牛同澳洲牛混種。佢就真係比較似和牛多少少，都係食油花，但肉質就比和牛結實一點。如果你喜歡油花，黎呢度食你就要揀澳洲M5和牛plan。
精選裙邊牛柳
裙邊牛柳肉質較軟，但有纖維，肉汁多。牛味濃之選！
安格斯牛小排
呢個我覺得係今晚MVP，油花靚肉又帶粉紅，多數見到呢d我都唔加調味。牛小排係我覺得都岩用黎燒嘅部位。
燒菠蘿
朋友不停夾入黎，好有以前讀者果陣BBQ嘅感覺。因為燒菠蘿係以前燒親野食必食！加熱之後嘅菠蘿係甜好多！而且菠蘿汁有效開胃，個人都建議係必試！
櫻花蝦拌飯
我晚餐好多時多多少少都要食d飯，店內個自助區有個位就係俾我地diy呢個櫻花蝦拌飯。櫻花蝦醬加紫菜、香蔥同滷汁，成件事就係古早味，都好代表到呢間店。
特製牛肋條
有時食牛唔一定要係貴野，呢道牛肋條就係好例子！唔係上面講果d咩M5，咩極黑牛。但可以成為《安平燒肉》嘅推介，一定有d野。牛肉經醃製調味，加上蔥粒十分惹味。牛肋條本身就係重味部份，加左調味，朋友一食就問我呢個係咩黎，係有驚喜的。
厚切牛舌 (套餐贈送每人兩件，追加要另外付費)
之前我講過牛舌我喜歡薄切，但佢呢個厚切牛舌，切成一條條又係一個新好嘅嘗試！咬落因為厚切而彈牙，但唔會咬得好辛苦。牛味香得黎唔會太濃，可能會引到你課金encore！
张贴
