八幡屋涮涮鍋

营业中

休息中

經過旺角又想打邊爐, 即刻諗起上黎食過既八幡屋涮涮鍋。值得稱讚既係除左食物質素好好之外, 裝修完既餐廳環境特別寬敞, 仲好乾淨企理。店員亦好有禮貌, 亦會主動介紹湯底同食物。另外如果經社交平台 訂位 (C4套餐) 仲可以享有半價優惠!C4主打日本A4黑毛和牛, 額外有海鮮拼盤, 另外仲有M5和牛、鮑魚、Asahi同Haagen Dazs任食。和牛好出色, 雪花分布平均, 肉質鮮嫩唔會太肥。海鮮每款都好新鮮, 鮑魚亦夠晒彈牙。除咗有QR code點餐之外，自助bar仲有各色各樣既丸物、蔬菜、麵、碗仔翅同日本小食。而雪櫃自助仲可以拎壽司同甜品, 甜品種類都有好多,  雪糕、Mochi、奶凍、布甸、韓國雪條等等。食物款式真係多到食唔晒，又係要抱住個肚走既一晚。