北海道食堂 (已結業)

今日去開沙田，想食日本嘢，但又唔想幫襯大型連鎖店，有咩選擇呢？行行下見到一間木裝修嘅日式餐廳，就入去試下。餐廳座位闊落，全店木裝修，入面有兩個魚缸，燈光唔算光猛，令人有少少置身居酒屋嘅feel，整體感覺舒適。餐廳做緊夏日週年激安祭，可以用優惠價試到多款美食，包括爆丼、海鮮、刺身等等。我哋就揀咗三文魚刺身三文魚子爆丼！我哋另外仲叫咗一個自選迷你配搭, 鹽燒牛舌套餐，同埋燒北海道產魷魚。三文魚刺身三文魚子爆丼一上枱，只見三文魚刺身。然後店員將小木桶入面嘅三文魚子淋上去！滿滿嘅三文魚子，視覺效果一流。我就貪心一啲，如果再多啲三文魚子就好喇😍三文魚子粒粒飽滿，味道適中，唔會太咸。三文魚刺身油脂亦足夠，加埋三文魚子一齊食，太正喇。燒北海道產魷魚好大條，肉質彈牙。魷魚調味非常好，燒得香噴噴。配上蛋黃醬，更勝一籌👍🏻自選迷你配搭揀咗冷麵、迷你蒲燒鰻魚丼，再加飛魚子壽司。冷麵嘅汁好好味，鰻魚丼嘅鰻魚肉質鮮美，醬汁惹味！飛魚子壽司就略為失色，冇乜特別。鹽燒牛舌套餐嘅牛舌厚薄適中，食落有咬口。燒得油香四溢，好送飯呀！食埋伴碟嘅沙律菜，中和一下豐腴嘅感覺。以上兩個套餐都跟麵豉湯、前菜、茶碗蒸同埋飲品。特別要