唐宮小聚 (The L. Place)

营业中

休息中

奧爾加同朋友係山頂玩完大富翁之後，順路落中環搵食，聽朋友講唐宮小聚既燒乳鴿好抵食，只係33蚊一隻，所以就想去試下。一人只可以叫一隻，我地四個人可以最多食四隻。雲吞擔擔麵，好鐘意個汁好惹味，隻蝦大件又爽囗。醬汁鴨舌奧爾加平時唔好鴨舌，不過試真d都幾惹味。雞絲拉皮個粉皮幼滑可口，做開胃小食一流。皮蛋豆腐豆腐比想像中香滑，皮蛋味唔算太濃，個麻醬好好咁帶出豆腐既清香，仲有提升左整體鮮味。火焰波蘿個燉牛肉都淋身，火候控制都幾好。菠蘿味都幾鮮。無咁簡單 （辣子雞）個辣子雞都幾入味，唔算辣，而且個蛋認真唔簡單！等我賣個關子先！冰皮壽桃，外皮係雪糕糯米滋既，柔軟而入口即溶，餡料係榴蓮，好creamy。個豬豬好香滑又可愛，奧爾加好鍾意。