培記特色茶餐廳 (已結業)

今日收工經過見到橫街有間茶記有人排隊等位咁奇怪，橫掂有D餓跟住排隊試下，唔怪得啦，咁平晚餐包白飯例湯都系45蚊，重要有人服侍講真都無乜期待，佢地晚餐有九款套餐，我要左蝦醬通菜炒牛肉，出乎意料的好食，蝦醬夠香牛肉入哂味，碗白飯重誇張成坐山咁我大男人一個都食唔哂，但最正原來系個湯，老闆娘話日日唔同，今日系花生眉豆煲雞腳，湯好濃好鮮飲左唔口渴，不過美中不足想加錢要多一碗，老闆娘話每個套餐只跟1碗例湯，加錢都無得加湯，佢話免得太早賣哂，D熟客會鬧，奇怪到死煲多D唔得咩總之45即炒晚餐真系超值，不過人太多要搭枱，4人枱真系坐4個三吾識七既人食飯真系有d尷尬。