再興燒臘飯店

营业中

休息中

今日出街買嘢，跟住又去行左下超市，見差不多食飯時候就開始揾好嘢食啦，行到再興燒臘飯店，有幾多人系度排隊，我又想試下佢地嘅燒臘，聽阿媽話唔錯嘅，等左大概十分鐘就到我啦，環境就一般啦。燒臘品種比較多，想一次食曬就無咩可能啦，正當我系度猶豫點咩嘅時候，個伙記就推薦我點個三寶飯，有燒鴨，油雞同埋叉燒，如果得一個人食嘅朋友不妨都可點呢個，燒鴨皮脆肉嫩，我要嘅系肥叉，好正，肥瘦比例剛好，油雞味道都可以，比起其他兩樣就差左小小。鳳爪同我想象中嘅唔同，煮得比較爛，味道就算OK，但煮得太軟了，口感就唔得了，覺得好似系度食緊D雞肉，而唔系雞腳，下次唔會再點呢個啦。