老掌櫃响正DONKI入口隔離，識路好易到，我哋就行左成個商場一圈先到。
唔知平時係咪都係咁多人，始終除夕夜，都等左一陣先有位，要自己用QR Code落單，落完單先有侍應上菜單同滾水，太忙我都理解。
2大2小叫咗半隻北京填鴨，農家炒飯，龍脷柳松子魚，涼拌千層豬耳。
北京填鴨半隻都幾多下，皮應該都有15 /6塊，但係青瓜同埋蔥就有啲少，最後唔係好夠。
好鍾意佢塊皮嘅質地，好薄冇咁飽肚。
龍脷柳松子魚煮得好好食，連唔食魚嘅細路都肯食。
涼拌千層豬耳其實同豬耳冇乜分別，係多啲手工，都味道都唔錯。
炒飯就正常炒飯。
2大2小連茶都係440，好抵食！
