舊時光石磨腸粉 (已結業)

🥢牛腩撈石磨粉$48牛腩炆得軟腍入味，帶有少少筋膜同脂肪，少少油香又多啲口感。質素好多驚喜。石磨粉係比較薄嘅腸粉皮，加埋腩汁食已經好夠味。配佢哋嘅辣油食亦相當有驚喜。🥢胡麻雞絲撈石磨粉$45有大量胡麻雞絲，基本上見唔到石磨粉😂。雞絲肉質嫩滑唔嚡口。石磨粉撈麻醬口感滑溜又香甜。🥢蒸米粉$30估唔到表面有大大塊蒸肉餅。口感好滑，食得出比較肥🙈。米粉加埋蔥花、菜莆冇想像中咁單調。最緊要加埋佢哋勁香嘅辣油🌶。🥢韮黃鮮蝦腸$25腸粉香滑有米香，蝦肉唔算鮮甜但好彈牙。加韮黃更加香。🥢至尊腸$30呢款有齊牛肉、肉片、鮮蝦，仲有少少蔥花。口感更加豐富，尤其肉片肥瘦適中，軟滑又夠有肉味。