湄南.河泰式船麵 (已結業)

呢間餐廳之前食過午餐都好食，今晚同朋友再訪，佢晚市套餐，每日都唔同，價錢都唔貴。我地揀咗雜錦喇沙摻摻，好多配料，有魚蛋，泰式豬肉丸，牛肉丸，扎肉，白蘿蔔同鴨血芽菜等等，喇沙湯底超岩口味，香濃惹味夠開胃，摻摻有油麵同米粉，吸左湯汁夠晒入味，好食！套餐配咗個前菜，有小蝦餅，熱辣辣炸起外脆內QQ,入面嘅蝦肉夠晒彈牙！仲叫咗沙嗲雞串燒，雞肉燒得非常之嫩滑，外皮少少焦香，而且沙嗲醬汁亦都好濃郁，粒粒花生又夠香，一客6串都唔夠喉。朋友點嘅海南雞飯，雞好滑溜，同埋雞香味濃郁，雞肉嫩滑食落唔會覺得韌同鞋，配埋雞油飯同泰式醬汁，真係正宗又好味道！