TAZA Cuisine

营业中

休息中

今日在朋友家聚舊，晚餐想食Pizza又唔想幫襯連鎖店，朋友想起附近開咗間小店，有Pizza、Burger、印式咖哩、炒飯、肉卷及小食等。小店堂食設有約十張座位，地方雖小但乾淨企理。雙拼披薩 $149.-半份串燒雞肉加半份土耳其辣香腸，雞肉嫩滑惹味🤩，香腸香辣鹹香，加上大量芝士🥰，味道香濃。白咖哩牛肉跟牛油薄餅 $65.-牛肉份量唔少，質感軟腍無筋，白咖哩味道溫和濃郁😍，香而不辣，適合怕辣又想享受咖哩的人。薄餅熱辣辣帶陣陣牛油香味，口感軟熟柔韌😋，蘸上咖哩汁一齊食，真係好食到停唔口。白咖哩魚柳跟牛油薄餅 $60.-魚柳大大塊，炸得非常香脆🥰，肉質軟滑，吸收咗香濃嘅咖哩汁，更加惹味又香口。香脆雞腿漢堡包 $29.-雞腿香辣香脆又juicy🥰，加上香濃的芝士、清新的生菜及醒胃的沙律醬，令味道更加豐富又好食😍。