岩鹽日本料理 (利舞臺廣場) (已結業)

好耐之前晚餐食過呢間「岩鹽」，已經覺得好味又抵食，今日下午出開銅鑼灣，就梗係再去食好野啦！好多人排隊，不過入面都好大，所以我們都只係等左15分鐘位左右～有得坐窗口位～居高臨下望住䌓忙既銅鑼灣街頭（16樓望落去都好高下架）叫左一份壽司定食，有湯有蒸蛋有沙律有咁多件壽司，仲有一碗湯烏冬無入鏡頭！多到我男朋友都差點食唔晒！我就食火炙三文魚腩伴黑松露丼，無乜黑松露味，不過好好味！個碗其實唔係好深，但加埋其他伴食都已經食到好飽肚～份量剛剛好！真係好抵食！下次會再去食！