悠喵和食屋

营业中

休息中

係荃灣意外地發現呢間專做日式和食外賣嘅小店開頭係比佢啲貓貓吸引咗🤣🤣之後去望下餐牌又幾抵食！特選汁燒牛肉丼配菜同牛肉非常足料👍🏻👍🏻牛肉汁好香好濃，撈飯好好味😚日式咖喱滑蛋雞扒丼咖喱嘅味道配埋滑蛋好出色～～雞扒煎得微焦脆口😍欣賞佢個餸同飯係分層隔開，外賣拎到返屋企都唔會浸淋晒啲飯/ 索晒啲汁！另外小食叫咗個唐揚炸雞 同 紫薯波波😝唐揚炸雞炸漿唔厚、調味恰好，一路拎返屋企都聞到佢嘅香味飄出嚟🤩紫薯波波脆脆外皮加軟綿綿嘅內餡，淡淡甜味當飯後甜品都唔錯😋又平又抵，係荃灣住嘅朋友仔唔好錯過😉😉