影片
更多
2018-06-15
38 浏览
自從黃埔有佐地鐵之後，前往呢區真係方便佐好多，呢一日，我又過佐黎呢邊搵食。走進新天地美食坊，呢個「商場」既餐廳真係好多，而且個人覺得呢度既餐廳都比較「四正」，坐得比較舒服，質素有保證。來到1樓，發現佐呢間新開既中菜館，門面做得幾靚，內裡裝修也不錯，決定一試。打開餐牌 (餐紙？)，食物選擇都幾多，而且價錢唔貴，有小菜之餘，亦有一D賣相做得好精緻好特別既點心。銀湖天鵝酥 $58酥如其名，呢個天鵝酥真係做到成隻天鵝咁款，呢個時候，緊係要相機食先啦。而呢個天鵝酥亦都唔係虛有其表，餡料用上紫薯，甜得黎唔會膩，而佢既酥皮亦都做得好脆好薄，平時好怕食熱氣煎炸物既我都覺得好好味，值得一讚。鮮肉一口小籠包 $58雖然餐廳唔係一間上海店，但係估唔到個小籠包又做得唔錯wor，佢個皮做得夠薄，但係都唔會太易穿，起碼我地夾起食佐5件都完整無缺，而佢既肉汁唔算爆多，但係都有唔少，以一間中菜餐廳來說，絕對超額完成。糖心黑蒸燉響螺 $58喜好中湯既我，order一碗中式燉湯實在唔少得，呢碗湯夠哂足料，而且無味精，飲完真係好舒服。蝦球蟹子銀絲煲 $68呢個蝦球蟹子銀絲煲絕對係重點推介之一，份量真係超多，超大煲，蝦球真係
走進新天地美食坊，呢個「商場」既餐廳真係好多，而且個人覺得呢度既餐廳都比較「四正」，坐得比較舒服，質素有保證。
來到1樓，發現佐呢間新開既中菜館，門面做得幾靚，內裡裝修也不錯，決定一試。
打開餐牌 (餐紙？)，食物選擇都幾多，而且價錢唔貴，有小菜之餘，亦有一D賣相做得好精緻好特別既點心。
銀湖天鵝酥 $58
酥如其名，呢個天鵝酥真係做到成隻天鵝咁款，呢個時候，緊係要相機食先啦。
而呢個天鵝酥亦都唔係虛有其表，餡料用上紫薯，甜得黎唔會膩，而佢既酥皮亦都做得好脆好薄，平時好怕食熱氣煎炸物既我都覺得好好味，值得一讚。
鮮肉一口小籠包 $58
雖然餐廳唔係一間上海店，但係估唔到個小籠包又做得唔錯wor，佢個皮做得夠薄，但係都唔會太易穿，起碼我地夾起食佐5件都完整無缺，而佢既肉汁唔算爆多，但係都有唔少，以一間中菜餐廳來說，絕對超額完成。
糖心黑蒸燉響螺 $58
喜好中湯既我，order一碗中式燉湯實在唔少得，呢碗湯夠哂足料，而且無味精，飲完真係好舒服。
蝦球蟹子銀絲煲 $68
呢個蝦球蟹子銀絲煲絕對係重點推介之一，份量真係超多，超大煲，蝦球真係「爽，甜，彈牙」，而粉絲加入蟹子令到成個菜式更有層次感。
金銀蒜蒸娃娃菜 $58
娃娃菜上面舖上了肉碎，菜既份量同樣夠多，用來中和肉類係上佳之選。
私房金黃球泡飯 $68
主食係呢個大大個圓球狀既泡飯，金黃圓球其實係成個泡飯，外表炸至金黃色，又有飯焦香，又可以連湯食無咁膩，色香味俱全呢。
雪梅娘 $38
甜品order佐呢個比較特色既雪梅娘，外表係黏韌既糯米滋皮，裡面加入cream同埋新鮮士多啤梨肉，成個感覺好rich，好好味。
呢間餐廳既裝潢夠哂靚，坐得又舒服，難得既係價錢夠哂皮，平均都係大約$60就有一個餸，而且份量夠大，抵食！
张贴
