一鍋堂 (大鴻輝(荃灣)中心) (已搬遷) 新店位置

呢日去到荃灣食火鍋放題，呢間係有朋友介紹所以來試下， 餐廳裝修同一般嘅火鍋放題店差不多， 都係有啲冷盤和沙律區等， 同出面有少少分別呢度有幾個雪櫃放好多菜畀客人自己拿， 餐廳都幾旺我哋都排咗一陣隊先有位。我哋都係嗌咗個鴛鴦鍋， 豬肺湯底和麻辣湯底， 麻辣湯底嘅香料都好足夠， 夠曬濃味。呢度嘅火鍋配料都好多選擇， 份量唔算好大可以試多幾款其他配料， 肉方面豬，牛，羊肉都有， 仲有較有特色嘅肉丸，例如孜然雞肉丸， 有幾款都幾有特色， 肉方面我比較鍾意佢個法式牛肉， 肉比較厚身和有咬口， 海鮮嘅火鍋配料都有蝦，蟶子， 帆立貝和蜆等， 蟶子喺其他火鍋放題都少見， 食落都幾有鮮味，冇沙， 蝦方面都算幾大隻， 食落爽口彈牙。其他火鍋配料我哋都試咗， 例如小朋友最喜愛的長蟹柳和自家製的餃子， 餃子嘅肉餡飽滿，味道又不錯。