神輿日本料理 (已結業)

正当谂紧今晚食咩好嘅时候，就见到呢间神舆嘅广告牌，咦～放题唔算贵，而且相又几吸引啵，就黎试下先。位置就系喺创兴广场，阵间食饱就可以喺门口搭巴士返屋企，哈哈一开门，门面好光猛干净，门外有d许愿牌。再行埋入去，好似去左日本神社，内装修风格清晰，现代感强，俾人舒适嘅感觉。食物都几多款式，有炸物，寿司，主食，一品料理，串烧，刺身等等。叫几多黎几多，唔会俾少。而且上菜快，收拾速度亦一d都冇怠慢，真系值得一赞呀!刺身卖相唔错错，三文鱼，吞拿鱼腩，象拔蚌，甜虾，北寄贝都肥美鲜甜，呢个价钱有呢种质素绝对有惊喜。寿司同手卷，细细件，唔会好快饱，咁就可以试多几款😊芝士焗虎虾，芝士够多，唔咸，好味道。海胆炒饭好香，炒得够干身。Sukkiri白桃汽酒/巨峰汽酒，酒味唔浓，好香果味，唔识饮酒但又想试下嘅话绝对可以饮呢个，猪喜欢饮白桃。甜品方面叫左个绿茶同红豆雪糕，奶味浓郁，红豆味似呀菠萝雪糕屋嘅红豆霸，而绿茶唔会苦，2个都好味。＄228再加一，地方企理又舒服，刺身够新鲜，寿司精致绝唔马虎，饮品高质素，唔系平嘢，呢个价钱享受到咁高质又真系唔错。