麥當勞 (新文華中心)

营业中

休息中

今日又要去趕住上堂，於是就好急咁買左個開心樂園餐帶去課室食，揀開心樂園餐既原因不外乎係因為佢價錢平，20蚊有找，又可以食得健康啲，可以叫鮮橙汁同埋粟米杯，加上晚上又食唔落太多，開心樂園餐既細份量係岩岩好。用左點餐機落單，先知原來漢堡飽係可以set唔同份量既材料！比如係酸瓜最多可以落２片（平時係一片），茄汁份量可以揀。我就加多左塊塊酸瓜，因為自己好鐘意食，同埋落少左茄汁。最後打開個包黎睇，個份量真係有變化！至於粟米都係甜甜地，好食。而鮮橙汁飲落亦好新鮮(因為夠酸，唔似勁加糖嗰啲果汁)不過唔知點解，今次係第二次用點餐機落開心樂園餐，揀左玩具但佢都無執比我，下次可能需要拎住張單問番收銀處。