我地揀左「Lazy Burgers」，漢堡除左普遍既牛肉、雞肉、魚柳外，仲有羊肉、蝦堡、蟹肉，選擇非常多；而且加配套餐既價錢唔貴之餘，彈性亦好大，可以配薯角、蕃薯條、沙律或粟米脆片
。由於食物係即叫即整，所以落左order之後要等大概15分鐘。雖然趕住去睇戲，但收到既食物全部都熱辣辣、炸物脆卜卜，等下都覺得值得!!
黑松露鵝肝手打牛肉漢堡$78配薯角$18
平時係其他Burger店見到呢款漢堡，售價通常近百或過百，所以當我見到呢個價錢後，即刻揀左佢
。
最後連朋友都話好味，就知我無揀錯!
鬆軟既麵包有烘到微微焦脆，食果陣都仍然脆，呢個就係新鮮既優點!!
漢堡醬似係蛋黃醬，甜甜地、仲有d似蛋黃既小夥粒，另外仲有蕃茄片同生菜，為漢堡添加濕潤度，入口唔會乾。
掀開後會聞到陣陣既松露味，令人食指大動~~
塊鵝肝雖然煎到唔係咁好睇、黑蚊蚊，不過食落好香，其香氣入口後久久不散，而且仲要大大塊，絕對抵食!!
反而手打牛肉無論其肉味同口感都無麻麻，牛味比鵝肝搶哂d味，所以牛味偏淡，漢堡扒中仲有d碎軟骨，可能店家係想添加口感，但我個人麻麻地食到軟骨。
朋友點左
野獸風味煙肉煎蛋手打漢堡$58配蕃薯條$22
食材有蕃茄片、生菜、煎蛋同煙肉；
本身以只係普通煎蛋，點知咬落流到成手汁先知原來係流心煎蛋!
由於我對呢款漢堡無興趣，所以無試到，但朋友試完我果款之後表示鵝肝漢堡好味d。 薯角同蕃薯條都係外脆內軟，非常好味，絕對要加配!!
