The Platter (悦品酒店‧荃灣)

营业中

休息中

之前喺喺葵涌做完嘢，走嘅時候經過悅品酒店發現到呢度有Semi-Buffet，又有龍蝦又有牛扒，於是同Honey就嚟試吓。主菜有六款選擇，而我哋就揀咗原隻新鮮波士頓龍蝦米多同埋烤澳洲草飼肉眼扒配紅酒汁。點完主菜後就出咗去睇吓有咩前菜選擇，估唔到比想像中多（因為之前食過其他Semi Buffet只係得湯、餐包&沙律）呢度嘅前菜有熱盤有炸薯角、脆炸藍蟹蟹餅；冷盤除咗沙律菜之外，仲有凍海鮮（蝦、翡翠螺，、青口同蜆）另外仲有煙鴨胸、什錦凍肉、泰式鳳爪沙律、華都夫沙律、鮮同菜頭蘋果沙律、意式烤茄子沙律、龍蝦沙律，每款食物都各有特色！嚟到主菜，原隻新鮮波士頓龍蝦多米，比我想像中大隻，配上芝士蘑菇白汁，龍蝦蝦肉鮮味彈牙，好好味！烤澳洲草飼肉眼扒配紅酒汁選擇咗五成熟，肉質鮮嫩！最後喺自助區再拎埋甜品，中式甜品有杞子糕、大菜糕&明月冰卷；西式甜品有藍莓慕絲蛋糕、士多啤忌廉蛋糕&窩夫，有點花多眼亂。