梨滿園韓國料理 (已結業)

呢間韓國嘢開咗之後都冇黎試過，之前呢個位係有好多茶餐廳小菜館，所以比較少行過嚟。講返呢間韓國餐廳，我係嚟食午餐，叫咗韓式泡菜烏冬煲，韓式牛肉炒粉絲同埋韓式燒雞肉套餐。味道方面，泡菜烏冬好好味，夠辣，但係唔記得影相😅韓式牛肉炒粉絲，略嫌啲粉絲太淋，食到好滯。燒雞肉定食好夠份量，好多肉，但係味道好似唔夠入味。嘢飲方便，自己可以去雪櫃選擇紙包飲品，個餐包埋，唔使逼我飲奇怪嘢飲。下次會再幫襯，因為太和廣場食肆選擇唔多，呢間算係咁。