巧得鍋 (已結業)

今日去咗觀塘工廠區巧得鍋食午餐。下晝二時去到，應該剛剛過了飯市，避開了工廠及寫字樓的午市時間，人不太多，還有午餐供應。睇返餐牌，原來午餐供應時間是11-3。餐牌入邊的午餐有很多選擇，價錢好經濟，$45起有交易，好適合我地呢啲打工仔，日日過嚟食晏都唔會傷荷包😁。今日我同朋友一齊嚟，而且仲係月頭，就梗係食好啲，叫咗個二人雞煲套餐，$168 包半隻雞，一碟魚湯娃娃菜，同埋兩碗白飯，兩杯drink。飲品我哋仲升級咗要鮮榨果汁，呢個係店員推介，佢見我想飲麻辣特飲走甜，推介不如試佢哋嘅西瓜汁同哈密瓜汁，即叫即打，完全唔會落糖。我哋張枱望到水吧位，真係見到佢新鮮即打，本身水果夠甜，飲得出沒有加糖水，好fresh ，同麻辣雞煲好襯。講返個麻辣雞煲，雖然話得半隻雞，份量都唔少，兩個人食足夠，朋友唔食得辣，叫咗BB辣，店員主動俾咗支辣粉，話唔夠就自己加，果支辣粉真係勁，夠晒辣，辣到流汗。👍🏻如果兩個人一齊食，口味不同，呢個係好方法。餐廳裝修係大眾化格局，店員親切，如果係附近返工，應該係一個唔錯嘅午餐選擇。