京都一の傳 (已結業)

海港城最近有coupon優惠， 心血來潮又想食日本野，最後就揀左呢間餐廳。話曬呢間餐廳係日本有九十幾年歷史，是日本高端西京燒市場銷量最高的老店。由於怕多人等位，前一日就打電話BOOK定位，可能因為過左午市時間，所以人流唔多亦無人排隊。午餐時間至下午4:30。價錢都唔算好貴，由$200-$400不等，而且食物保持高質既日本風味！絕對抵食！午市套餐都多選擇，鐘意食刺身既我就揀左(鮮度)雜錦刺身丼配鏗魚茶漬湯，友人就揀左(人氣商品)特上雜錦天婦羅丼定食。另外加$18有一壼茶可以兩人共享。凍冰冰既天氣飲熱茶可以暖暖胃。上餐速度亦都纂快，一上菜已經急不及待相機食先，因為個擺盤好靚，色彩繽紛又夠豐富。打卡呃LIKE非常好。估唔到$198既刺身丼會有咁多唔同種類，有三文魚籽、海膽、蝦、吞拿魚蓉等......而且樣樣都係咁新鮮。不過由於太多野食，都唔知應該食邉樣先。最後我決定先食刺身，留起三文魚籽再撈茶漬湯泡飯。友人個$188天婦羅丼飯都非常豐富，一上菜已經比條長長既炸物吸引住，食落先知原來係鰻魚。另外有兩隻海蝦、番薯、南瓜、茄子、冬菇及溫泉蛋，分量十足。