燈籠滷味 T.P.E. (M88) (已結業)

一個人中環午餐，有時真係唔易搵位。依間餐廳的價錢以中環黎講算係抵食，仲要多數都唔洗等位，因為座位都多，環境方面有台灣嘅裝飾。食物方面都有好多選擇，有午餐又有單點餐牌，而我食嘅係自選麵食（豪吃自由配搭），即係類似車仔麵咁，當然比平時車仔麵貴少許。我今次叫左油麵，空心菜(通菜)，雞翅膀，鴨胗 ，豬耳朵。麵有幾款可以揀，餸都有好多款式，有d係台式食品，所以款式比較特別，例如豬耳朵，軟得黎又有咬口。如果唔想自己揀，都仲有其他預設的麵餐或者便當，所以絕對唔怕無嘢啱食，只怕太多款你唔識揀。