圓山台灣料理 (已結業)

一早聞說圓山有個幾抵食嘅套餐，今日終於一試。圓山位於金巴利道，經過無數次，但一直唔知道原來有供應點心。假日午市時間好旺場，我地好幸運坐到最後一張枱，仲對正電視，題外話竟然係播緊逃學威龍，無論睇幾多次都一樣笑得出。餐牌除左一般台灣料理、小炒、中菜，仲有點心、炒粉麵，選擇非常多，點心價格稍高，但套餐性價比幾高，所以在場都見到唔少附近嘅上班族套餐分2/4/6人，定價$188/498/698，份量非常足，二人套餐有點心兩款+小菜兩款+老火湯兩位+肉燥飯/擔仔麵+甜品，呢個價錢抵架，再叫啲點心，夠我地三個人食喇點心方面喺17款中自選，有蝦餃、小籠包、馬拉糕、鳳爪等，選擇多。蝦餃有5粒，皮唔會厚或者粉，一口size，入面有好多蝦肉，好味小籠包好多汁，熱辣辣，有肉香。小菜方面有超過30款任選，有肉有菜，例如三杯雞、口水雞、蒸魚頭、小炒皇、滷肉等。金銀蛋浸油麥菜，簡單好食。宮保雞丁好香口，腰果好脆，雞丁比較細碎，勝在無骨，又入味，有少少辣，一般人都食得到。是日老火湯係西洋菜湯，好足料，熱辣辣，冇味精感，我地好鐘意我地額外點左兩款點心，包括係鮑汁花生鳳爪($43；午市)，鳳爪幾入味。蜜餞叉燒腸粉($39