影片
更多
2018-10-08
1030 浏览
一直都知道呢間圓山好耐，不過冇試過，最初仲以為佢得台灣野食，星期日約埋兩個朋友，又想食點心，又想叫小菜，咁我提議試下呢間，原來比想像中抵食，午市入座，食到飽一飽都係百五蚊左右，雖然單點點心唔算最平，但佢有個套餐真係性價比高，兩人至六人都有，有齊點心、小菜、湯，星期日都有供應，難怪午市滿座咁濟，一定有下次圓山位於美麗華附近，上一層，店面都幾大，好多座位，樓底唔係好高，不過枱與枱間有足夠位置，所以都唔會話好嘈。店員都幾繁忙，但全部態度都好好，好有禮貌，值得一讚。點左個二人餐，再加四個點心，三、四個人都夠哂，而且整體質素都好唔錯午市茶位：11/位午市商務 2人套餐 248：包括點心兩款、小菜兩款、老火湯兩位、肉燥飯、擔仔麵、甜品。雖然係套餐，但佢嘅選擇唔失禮，唔會淨係得啲唔受歡迎嘅點心揀，17款中揀兩款，有蝦餃、鳳爪、小籠包、叉燒包、流沙包等。小菜方面有接近40款中揀兩款，鐘意呢個套餐選擇夠多，仲有份量冇扣減。小菜有宮保雞丁、小炒皇、口水雞、蒸魚頭、蚵仔煎，有菜有肉。商量好後我地就決定點心揀水晶鮮蝦餃、台式小籠包；小菜揀三杯雞、金銀蛋浸時蔬。上菜速度超快，建議如果人少，就先落左二人餐，食到咁
圓山位於美麗華附近，上一層，店面都幾大，好多座位，樓底唔係好高，不過枱與枱間有足夠位置，所以都唔會話好嘈。店員都幾繁忙，但全部態度都好好，好有禮貌，值得一讚。點左個二人餐，再加四個點心，三、四個人都夠哂，而且整體質素都好唔錯
午市茶位：11/位午市商務 2人套餐 248：
包括點心兩款、小菜兩款、老火湯兩位、肉燥飯、擔仔麵、甜品。
雖然係套餐，但佢嘅選擇唔失禮，唔會淨係得啲唔受歡迎嘅點心揀，17款中揀兩款，有蝦餃、鳳爪、小籠包、叉燒包、流沙包等。小菜方面有接近40款中揀兩款，鐘意呢個套餐選擇夠多，仲有份量冇扣減。小菜有宮保雞丁、小炒皇、口水雞、蒸魚頭、蚵仔煎，有菜有肉。
商量好後我地就決定點心揀水晶鮮蝦餃、台式小籠包；小菜揀三杯雞、金銀蛋浸時蔬。上菜速度超快，建議如果人少，就先落左二人餐，食到咁上下再追加，以免啲野攤凍老火湯：足料，清甜滋潤，無味精感，缺湯水嘅朋友好鐘意。
水晶鮮蝦餃：本來以為二人餐會扣起蝦餃，點知咁大方，俾足一籠5隻，抵食！蝦餃就唔係話好大隻，皮較黏身，餃餡極新鮮，蝦肉爽口
台式小籠包：小籠包雖然唔係好薄皮，但有湯汁，一口份量，正。
三杯雞：三杯雞嘅味調較得唔錯，好有台式風味，惹味得來唔會太鹹。雞件份量不少，三個人夠哂，好好肉地，又入味。
金銀蛋浸時蔬：成碟油麥菜份量真心足，一路食一路讚個餐抵食
肉燥飯、擔仔麵：肉燥飯唔錯，飯粒軟硬適中，唔會太濕；擔仔麵就清淡啲。
另外追加左四個點心，點心即製，全部熱辣辣，雖然單點唔算平，但幾個人除開又ok。生拆鮮蝦腸粉 40：每條腸粉都有原隻蝦肉，雖然腸粉皮有少少厚，但十分軟腍。
蟹籽肉汁燒賣皇 36：燒賣大大粒，有肉汁。
招牌雪影叉燒包 36：呢個叉燒包唔錯，外面層皮好香脆，唔會油膩，裡面唔係空心，有叉燒之餘唔係乾爭爭，有質素。
台式胡椒餅 36：
张贴
