韓日燒 (已結業)

朋友生日，相約在荃灣食飯，又諗唔到食咩好，諗諗下韓日燒自助餐應該係個唔錯選擇，價錢都幾大眾化第一次吸到呢度食自助餐，環境都幾寬敞，坐位多，一般4人檯為主，不過人再多都無問題！如果編到壽司bar檯就可以更方便拎到壽司同魚生食！食物選擇都幾多，有生有熟，有甜有咸，有燒也可以打邊爐，真係包羅萬有，估唔到百幾蚊既價錢選擇可以咁多！除左生既食物外，仲有鐵板燒美食，有大阪燒，生煎包，仲有估你唔到既臭豆腐，同我覺得幾好食既燒牛肉！唔太臭既臭豆腐，建議熱辣辣時食，凍左就無咁好食！除左頭先提過既野食外，仲有好多炸物，好似薯格，雞槌，雞粒等等，而煮既食物都有唔少選擇！要特別讚下佢既調味架選擇都幾多，甜酸苦辣一應俱全，有專為燒烤既燒汁，也有辣粉，要調出心水口味話咁易呢！食自助餐，飲品又點少得，估唔到呢度除左一般既飲品外，連酒類都是任飲，而且選擇都幾多，由大支裝啤酒，到日式清酒，紅酒，同混合好既雞尾酒，都有好多選擇，喜歡飲酒既話，呢度真係無得輸！非酒精飲品有竹䉀茅根，五花茶，汽水，沙冰，豆漿等，飲品隨講有個凍櫃，入面放左好多甜品呢，而呢度d甜品都幾好食！我哋今晚主打食燒烤，食物質素以百幾蚊嚟講算唔錯！食到最後