神輿日本料理 (已結業)

今晚提早同老豆慶祝父親節，揀了去旺角食日式放題，地點方便而且價錢都比較貼地，最重要是座位舒適闊落。食放題首先一定會食刺身，刺身反映一切，這個刺身絕對有驚喜，雖然是放題的價錢，但質素拍得住單點，三文魚夠肥美鮮甜，甜蝦爽口，帶子腍滑。沙律等小食都有多款，芝麻醬豆腐及柚子醋番茄清新開胃。串燒方面，燒牛肉粒又腍又有肉香，最主要不會燒至乾身，燒蝦就比較乾，但肉質尚算結實，燒菠蘿完全唔酸，十分開胃。天婦羅表面粉漿厚度可以接受，而且都幾脆，芝麻雞翼炸得香脆嫩滑。夏天必食的麻醬烏冬，烏冬爽滑，加上麻醬的香味，飽肚又不會太膩。甜品有多款不同味道的雪糕、芝士蛋糕及奶凍等。最後當然唔少得是清酒等飲品啦。