影片
更多
2017-04-10
397 浏览
有次行過aeon style food court見到呢間餐廳排晒長龍，好奇望下menu有咩食，見到又有燒魚定食又有海鮮丼揀，咁多選擇，就決定一定要搵次黎試下。對於海膽控既我黎講，一見到menu個海膽三文魚丼咁靚，諗都唔諗就即刻落order啦！個飯一黎到，嘩賣相好靚，果然同menu上面張相一模一樣。仲隨餐附送一碗麵豉湯。麵豉湯入面既湯料好足，有豆腐，紅蘿蔔同白蘿蔔片，昆布，同少許蔥花。湯料既分量好多，每舀一啖湯都可以食到啖啖湯料，好滿足。麵豉湯好濃味，又唔會太鹹，絕對唔似係用湯粉加水沖果啲麵豉湯。之後就到今晚晚餐既主角 -- 海膽三文魚丼啦！呢個飯唔單止好睇，仲好食！壽司飯既酸味適中，不過略嫌有啲黏，如果可以做到粒粒分明會更好。海膽既分量有成接近半碗飯咁多，入口一啲都唔腥，好鮮甜，texture仲好滑！三文魚有五塊咁多，每塊都有一定厚度，肥瘦適中，算係不過不失。係出面食刺身丼一般都要至少百幾二百蚊，係aeon style food court呢到$109就食到咁高質素既刺身丼，真係好驚喜！絕對值得推介！
對於海膽控既我黎講，一見到menu個海膽三文魚丼咁靚，諗都唔諗就即刻落order啦！個飯一黎到，嘩賣相好靚，果然同menu上面張相一模一樣。仲隨餐附送一碗麵豉湯。
麵豉湯入面既湯料好足，有豆腐，紅蘿蔔同白蘿蔔片，昆布，同少許蔥花。湯料既分量好多，每舀一啖湯都可以食到啖啖湯料，好滿足。麵豉湯好濃味，又唔會太鹹，絕對唔似係用湯粉加水沖果啲麵豉湯。
之後就到今晚晚餐既主角 -- 海膽三文魚丼啦！呢個飯唔單止好睇，仲好食！壽司飯既酸味適中，不過略嫌有啲黏，如果可以做到粒粒分明會更好。海膽既分量有成接近半碗飯咁多，入口一啲都唔腥，好鮮甜，texture仲好滑！三文魚有五塊咁多，每塊都有一定厚度，肥瘦適中，算係不過不失。係出面食刺身丼一般都要至少百幾二百蚊，係aeon style food court呢到$109就食到咁高質素既刺身丼，真係好驚喜！絕對值得推介！
张贴
