影片
更多
2022-02-22
1387 浏览
【川滿居】最近疫情嚴重，日日留喺屋企都幾悶，今日終於忍唔住獎勵自己食返餐好嘅🥳不嬲都好鍾意食川菜，尤其係酸菜魚同薯粉。今日呢間銅鑼灣京都廣場6樓嘅川滿居，菜式味道一流，而且定價合理，環境靜好，可以話係我近期食過最滿意嘅川菜🤤酸菜魚薯粉（$68）充滿驚喜嘅一道菜🥰魚肉作為主角，味道鮮香，質感滑溜，而且厚得嚟又完全冇骨，可以安心食用😋 配料方面除咗爽口嘅萵筍同酸菜之外，居然仲有菇菌，喺香港真係好少見😳另一個值得一讚嘅地方係花椒青蔥等配料嘅分量夠收斂，食嘅時候唔使挑嚟挑去，抵讚🤩牛肉香鍋（$66）超！正！😍第一眼望落已經挑起曬食慾，賣相一流，沈穩橘紅嘅色調完美地烘托出川菜嘅味道。牛肉片炒得尤其香嫩，每塊都嚼勁十足，無可挑剔😛更驚喜嘅係，唔知有冇人同我一樣，本身麻麻哋薯仔同蓮藕，但食完呢碟牛肉香鍋炒出嚟嘅藕片同薯片，感覺好似見證完一個毒撚小薯著啱西裝變身男神咁，不由得佩服烹調方法真係好重要😳總體而言，呢個價位居然有咁嘅質素，真係冇10分都起碼有9.5！呢度嘅午市套餐真係抵食到喊😭誠意推介❤️
最近疫情嚴重，日日留喺屋企都幾悶，今日終於忍唔住獎勵自己食返餐好嘅🥳
不嬲都好鍾意食川菜，尤其係酸菜魚同薯粉。今日呢間銅鑼灣京都廣場6樓嘅川滿居，菜式味道一流，而且定價合理，環境靜好，可以話係我近期食過最滿意嘅川菜🤤
酸菜魚薯粉（$68）
充滿驚喜嘅一道菜🥰魚肉作為主角，味道鮮香，質感滑溜，而且厚得嚟又完全冇骨，可以安心食用😋 配料方面除咗爽口嘅萵筍同酸菜之外，居然仲有菇菌，喺香港真係好少見😳另一個值得一讚嘅地方係花椒青蔥等配料嘅分量夠收斂，食嘅時候唔使挑嚟挑去，抵讚🤩
牛肉香鍋（$66）
超！正！😍第一眼望落已經挑起曬食慾，賣相一流，沈穩橘紅嘅色調完美地烘托出川菜嘅味道。牛肉片炒得尤其香嫩，每塊都嚼勁十足，無可挑剔😛更驚喜嘅係，唔知有冇人同我一樣，本身麻麻哋薯仔同蓮藕，但食完呢碟牛肉香鍋炒出嚟嘅藕片同薯片，感覺好似見證完一個毒撚小薯著啱西裝變身男神咁，不由得佩服烹調方法真係好重要😳
總體而言，呢個價位居然有咁嘅質素，真係冇10分都起碼有9.5！呢度嘅午市套餐真係抵食到喊😭誠意推介❤️
张贴
