山城小麵 (太子中心)

营业中

休息中

好耐之前食过,已经觉得好好味,忽然好想食,横掂跟住去深水埗,所以顺便去食啰。我哋俩个人叫左一碗招牌山城牛肉面,当然拣刀削面,同埋排骨刀削面(小辣)；叫套餐有小食,我哋拣咗蒜泥白肉同生菜。碗面真系好好味又抵食! 𠮶d刀削面质感好烟韧,牛肉就腌得够味又淋,而且一啲都唔孤寒,碗面有大大注嘅芫茜同葱,啱晒我。至于汤底系清汤,唔会肥腻又系好啱我。另外𠮶款排骨面,一样松软容易入口。不得不提𠮶个小食~蒜泥白肉,厨师刀工细腻,白肉片得好似火腿咁薄,浸落啲汁同酱料度,食落去入要即刻竖起手指公。以几十蚊价钱食到呢个水准真系抵晒啦。由于地点唔系咁就脚,而且舖头细细,坐落去有啲迫夹,就要扣返少少分,但系嘢食最重要,我会继续帮衬佢。