龍泉冰室 (已結業)

見到冰室就會好吸引到我，皆因會有好多香港懷舊經典美食，一般茶餐廳未必有，呢間好多選擇。🥢干炒牛柳絲意粉🥢 $58呢到炒野好掂，意粉鑊氣十足又唔會覺得好油笠，仲要軟硬拿捏得好好，條條都好有咬口，調味上比較簡單但係帶出洋蔥既甜同青蔥既香，特別香口。🥢士多啤梨骨🥢 $68咕嚕肉、糖醋骨就食得多，呢個真係第一次見，都係酸酸甜甜好開胃既菜式，腩排肉質軟嫩 ，超濃稠醬汁沾滿哂腩排，仲有粒粒士多啤。🥢咖哩牛腩煲🥢 $78牛腩唔會稔到冇哂口感，半肥瘦既牛腩先重肉味，咖喱比較soft似葡汁果type，冇上兩果2款咁驚豔，但都幾唔錯。