翔壽司 (已結業)

前排食完米芝蓮推薦壽司翔太班底開嘅雲壽司，今次來到出自同門嘅翔壽司，原來翔壽司之前係立食，而家就有位坐。叫左兩個壽司套餐，分別係特上壽司盛合（HK$250）同埋上壽司盛合（HK$180）。特上壽司盛合有海膽、三文魚子、牡丹蝦、帶子、炙燒金線鯛、拖羅、深海池魚、池魚、油甘魚、真鯛。上壽司盛合有三文魚子、帶子、赤蝦、炙燒金線鯛、吞拿魚、池魚、油甘魚、魴鮄。全部食材都新鮮。白身魚好清甜。海膽多到爆，三文魚子爆晒汁，我仲加左少少海膽一齊食，非常甘甜。蝦同帶子都好鮮甜。左口魚邊燒完之後漏晒油，油份比一般多，好鬼甘香。📍翔壽司尖沙咀厚福街5-6號多富閣地下4號舖