意粉屋 (已結業)

星期日跟朋友去銅鑼灣逛街買東西，不覺已到開飯時間，朋友想食意粉又唔想太花費，便去了翡翠明珠廣場內的意粉屋，憑獅子銀行信用咭埋單，可以用優惠價享用兩款至尊龍蝦二人套餐及新點子二人套餐，之前食過至尊龍蝦套餐，今晚試埋新點子二人套餐，套餐包兩客餐湯、田園粟米沙律伴脆包粒、火紅熱鍋燴威尼斯海鮮配闊條麵、炭燒烤鷄珍寳什錦薄餅及茶啡。 金粟周打湯、意大利菜湯雖然好像是普通餐廳的紅湯、白湯，但材料比較豐富，意大利菜湯除了什菜外還有蜆壳粉及紅腰豆，不是用茄羔來煑湯底較清。 而金粟周打湯裹有真的周打魚肉及火煺茸，忌亷湯底不是用粉開水煑，唔會太杰身。田園粟米沙律伴脆包粒有青椒片、青瓜片、椰菜、火箭菜，但竟然沒有車厘茄，材料都算幾新鮮，兩個人分便唔太夠食。火紅熱鍋燴威尼斯海鮮配闊條麵餸料及闊條麵分別用一大一小兩隻紅色鍋放在木架上上枱，賣相較吸引闊條麵又不會被醬汁浸至腍身，煲內海鮮有蝦、青口、魷魚圈，另外有鮮甜的甘荀、洋葱、青豆及薯仔，甘荀入口很甜，薯仔切得偏大仲，忌亷汁很多很濃，撈闊條麵最啱口味，兩個人食份量都夠食。炭燒烤鷄珍寳什錦薄餅用料頗豐富有炭燒烤鷄、意大利腸肉碎、牛肉、加拿大煙肉、辣肉腸、莎樂美