家家戶戶

营业中

休息中

尖沙咀多韓國餐廳就係人都知啦🇰🇷今次去左呢間好有住家感覺既韓式小店🥰 但位置都算隱蔽🥲價錢親民 就算係晚餐大部份都係100蚊內 最平40幾蚊就食到!!🤩 唔同菜式跟餐配菜都唔同 幾有心思！ - 泡菜炒飯 （單點$68 跟餐$78） 炒飯內既泡菜唔會太辣 啱啱好 配埋煎蛋同紫菜 都幾好食 隻蛋仲要係脆邊蛋🤩 不過成個飯未算炒得好勻😟唔係粒粒都有泡菜汁 配菜中既泡菜就麻麻地喇 太酸🤭 - 海鮮炸醬撈麵 （單點$76 跟餐$83） 有好多炸醬 食曬成碗麵都仲剩翻好多醬😳 麵質同平時既有啲唔同 比較淋身少少 不過食落又唔錯喎!! 😗 海鮮就略嫌少左啲喇 只有幾粒魷魚粒同蠔仔😂 整體上都叫不過不失啦~