Rimi Cafe (已結業)

今日想同朋友搵間Cafe可以坐一坐，傾吓計做吓嘢，就嚟咗旺角呢間登打士廣場嘅樓上Cafe rimi cafe，Cafe環境都闊落簡單舒服。睇睇菜單，佢而家有個限時優惠動態清零餐，只係$88就可以無限任食指定嘅菜式，好抵喎，一於試試佢。如果大家想試都要盡快因為呢個限時優惠只係做到4月20日。不過今日人都比較多，等上菜等得有啲耐，都大概等咗成半個鐘，建議大家如果想來可以揀晏晝三四點嘅時間咁就唔使等咁耐。嘢飲我哋都揀咗無糖茶，有茶香，解渴。沙律菜都幾大碟，如果想清清地，建議揀田園沙律，凱撒沙律比較重口味，芝士粉落得幾多，比較鹹。跟住就去到四款口味嘅雞翼，最好食係蜜糖雞翼，之後都再encore左六隻。豬肋骨比起相片細好多，亦都係比較鹹。但細細份幾好，試吓個味。