樂天大喜屋 (已結業)

呢間開業多年嘅日本料理放題，價錢抵食，夠親民。多款食物選擇。宜家用QR code 落單，好方便。首先叫咗刺身；三文魚、北海道鮮帶子、北寄貝、象拔蚌、蠑螺、赤貝、極品大赤蝦。刺身幾新鮮，放題算唔錯！帶子幾鮮甜，象拔蚌爽口，大赤蝦大大隻超有口感又鮮甜。另外叫咗創作壽司、賣相幾靚。叫咗花之戀、鵝肝帶子壽司、黑松露赤蝦拖羅蓉魚生塔、和風黑松露吞拿魚他他壽司、海鹽燒左口魚邊、炙燒三文魚腩壽司、香芒吉列蝦卷。花之戀啖啖三文魚、鵝肝帶子幾香鵝肝味。吉列蝦卷夠香脆。鍾意海膽手卷細細件，唔怕食一件好快飽。燒物鹽燒牛舌、鹽燒雞軟骨都好食！牛舌幾爽口。雞軟骨咸咸地爽口。