Wingman (已結業)

之前喺中環嘅時候，已經食過Wingman。嗰時啲選擇都唔係好多，不過就好高質。事隔幾年之後，喺佢哋嘅新鋪地址再試多次。發現佢哋雞翼多咗好多新味之外，仲有新加咗好多side menu。而家佢哋除咗有單點Menu之外，仲有all you can eat雞翼。不過我自己就食唔到咁多，所以喺佢哋個單點Menu 叫咗一個套餐 “Netflix and Chill”。包括18隻雞翼（三個味道）一個side同一個飲品。三個味道分別叫咗Cajun, Cali Mix 同鹹蛋黃。Cali Mix係巴馬臣芝士加蒜蓉，好Classic嘅味道，唔會太鹹，個皮好脆。Cajun有少少辣，好香口，加埋青檸汁又好解膩，好惹味。鹹蛋黃係Special系列，要另外加錢嘅。非常香，好有香港特色，非常推介。Side叫咗黑松露芝士通粉，非常熱辣辣。不過略嫌啲通粉林咗少少同埋唔夠芝士味，但係黑松露味都好重。但係非常非常飽肚。飲品叫咗檸檬茶。如果真係食得落好多雞翼的話，個人比較推介叫任食。因為佢哋啲雞翼真係好出色。