夢工房西日料理 (已結業)

今日同朋友到葵芳行街，周圍行下覓食，見到地鐵站附近有間「夢工房西日料理」做既放題很便宜，所以即管一試！一入到去，店鋪裝修絕不遜色，地方很清潔乾淨，環境很舒服，店內還有很好懷舊的裝飾物，很有藝術的觸覺！早餐都未食，所以叫左熱食先。點左個豚肉烏冬，以為係細細碗，點知黎到係正常一個烏冬的size, 豚肉有少少油脂，薄切，稻廷鳥冬彈牙有咬口，加埋海苔同蔥，食一個烏冬無難度。蠔有兩款：黃金燒蠔&蒜香燒蠔，兩款都好香，蠔比較細粒，所以充滿左芝士同蒜，少少濃，夠惹味。羊架細巧，肉質淋，油脂分佈均勻，小吃多滋味。刺身的選擇都好多，數量足，唔會雪到好冰，都好新鮮！