富軒

营业中

休息中

入座後，侍應即刻問吓我地飲咩茶同埋為我哋介紹有乜嘢食，招呼十分周到。我地揀左精選兩位餐$398包加一，貪佢有鮑魚同龍蝦食😋跟餐跟兩罐汽水/啤酒燒味雙拼（叉燒拼切雞）🐷🐥叉燒肉質鬆化，咬落去無乜油膩感；切雞肥瘦適宜，咬落嫩滑。果皮蒸南非鮑魚唔係跨張，隻南非鮑魚大隻過隻飯匙少少🥄肉又夠厚，蒸既時間亦拿捏得好好，令隻鮮鮑有應有彈牙既口感。蒜蓉開邊蒸龍蝦🦞望落蒜蓉多，但味道岩岩好，冇蓋過龍蝦既鮮味，龍蝦肉甜彈牙，食完真係想食朋友個半邊😂紅燒皇子鴿有時食乳鴿會食到啲好鞋口既，呢到隻鴿就真係乳鴿黎，因為最厚肉個個位啲肉都係嫩既，外皮亦炸得夠香脆🕊上湯浸田園時蔬每條菜心都係甜既甜品紫米露總結舖頭冇將就貨就價，鮑魚同龍蝦都食得出係新鮮既同足料既，之後可以再戰。